نكت مغربية 2013
جاوبها : الله خلق أدم وحوااء وتزوجوا وجابو أولاد وبنات وبدأت قصة الخلق .
..!!مشات سـولات امها نفس السؤال ردت عليها : الانسان اصله قرد وتطور وصار يشبه الانسان…
رجعت لأبوها : بابا علاش كتعلمني غلط !! …ماما كتقول أن الانسان اصلو قرد . .! …………قال ليها : حبيبتي انا هدرتلك على عائيلتي !!أما العائلة ديال أمك بوحدهم
شوهتينا في العمارة
واحدصاط وصل خطيبتو لباب دارهم
هو يتكا على الباب وقاليها الحبيبة بوسيني عاد نمشي
قالت ليه: حشومه بابا ولا جيران يشوفونا
قاليها : والو الحبيبة منمشي حتى تبوسيني
وهي تهبط ختها الصغيره قالتليه :
عمي عمي قاليك بابا الى مبغاتش تبوسك انا نبوسك ولا يهبط هو نيت ويبوسك
غير حيد كتفك على الانترفون را شوهتينا مع سكان العمارة
ذكاء الطفل المغربي
الطفل المغربي ذكي !!
فاش كيشوف الدار نقية
و الصالون مرتب
يقول لامه : شكون جاي عندنا ليوما ؟
امتحان الرياضيات
واحد الكسول نقال جراو عليه من امتحان مادة الرياضيات، ,,, علاش؟
لقاوه كاتب مورا كالكيلاتريس ,,, جدول الضرب
ألو الواليد
تتكون مقصر و ناشط مع اصحابك .. حتى كيصوني بورتابلك :
.الواليد ديالك : الو
…….اهلان لواليد لباس عليك .. بخير
الواليد: فينك يا داك المسخوط
…….الحمد لله بخير الله يسلمك الواليد
الواليد :و قلت ليك فينك الحمار
……لا صافي كون هاني شوية ونجي لدار
الواليد : والله يا الحححمار لا بقات فيك ,, هير تاتجي
……أيه يسول عليك لخير ,,, مبلغ
الواليد : بيب بيب بيب قطع
وانت مازال داير راسك كتهدر معاه . .. بسلامة عليك آلله يخليك.. لاشكرآ . هانيا.. يوصل يوصل.هههههههههه . ان شاء الله.. مع السلامة
وفاش تقطع كتقول لصحابك…. دراري : الواليد كيسلم عليكم
الفرق بين طاولات البنات و الاولاد
الفرق بين طاولات البنات و الاولاد
طاولات البنات
تلقاها راسمة قلب وملوناه بالوردي
تكتب بخط بارز اسمها واسم صديقتها حنان+ ليلى= الحب
عين على السبورة وعين مسمرة في الطاولة تلخص سنوات الضياع
طاولات الشباب
نصفها محفور … كانه مشروع انتاج النفط
تجد مكتوب بخط كبيييير visca barça
و صاحبو في الفوج الاخر يرد عليه
يحفر مكان الكتابة ويكتب hala madrid يا الحمار
و لكن الواعرة ديالهوم هو زر إضغط هنا يختفي الأستاذ
العاشق المصرهت
الشاب : أحــبك !!
البنت المغربية : لواه الزعتـر
فتساءلت عن دخل الزعتر في عشقي لها
الشاب : كنموت عليك!!
البنت المغربية : لواه النبـــك
فتساءلت عن دخل النبك في حبي لها !
الشاب : كنحماق عليك!!
البنت المغربية: لواه النم
فتساءلت ما دخل النم في حبي لها !
قُلـــت لها :بغيـــت نتزوج بيـــك!!
قالت لـــي: هالعااار ّ؟؟ بصــــاحْ
فقُلـــت لها : لـــواه النبكْ و الزعتـر و النم ,,, هير تنضحك معاك
الحلاق الدمدومة
واحد خينا مشا عند واحد الحلاق و سولو : خويا شحال باقي باش توصلني النوبة.
شاف الحلاق في الكليان و قال ليه من دابا ساعتين.
مشا داك خينا ورجع تاني من بعد يومين عند الحلاق و سولو: خويا شحال باقي باش توصلني النوبة ؟
شاف الحلاق في الكليان و قال ليه من دابا ساعتين و نص, وهو يمشي تاني فحالو
الحلاق دار عند واحد الكليان و قال لية : ها لعار لما شوف ليا هد السيد فين مشا … راه ديما كتوصل نوبتو و ماتايرجعش ؟
مشا الكليان تبعو تا دخل لواحد الدار ورجع للمحل حشمان وجهو حمر.
قاليه الحلاق مالك ,, فين تايمشي هاداك خينا ؟
قال ليه لدارك أحويا
الحلاق الدمدومة … مرتو مخدومة
البرائة المغربية
أجمل ثلاث وجوه ترمز للبرائة :
وجه طفل صغير
وجه امرأة عاشقة
وجه مغربي شادينو البوليس بالمينوت
نكت مغربية 2013
================================================
قال لك واحدة وصلت للقسم معطلة..قالها الاستاذ" أش هاد التعطال؟..جاوباته: كان تابعني واحد
كيبسال عليا
قال لها الأستاذ: إيوا راه خاص توصلي بكري ماشي تعطلي
جاوباته: لااا..راه كان كيتمشى بشويا
================================================
واحد راسو كبير ديما واحد لبرهوش كايقول ليه ناري كون كنتي ملك... ديما .. واحد نهار شدو قال
ليه اش هايطرا كون كنت ملك.. قال ليه الدرهم هاتكون قد الصينية
================================================
واحد مشا عند شوافة قا ل ليها بغيت تشوفي ليا واش نقدر نعيش 40 عام. قالت ليه واش كتكمي..قال
لا..واش كتشرب لا.واش كتبع دريات.لا. قالت وعلاش بغي تعيش 40 عام
دري بغا يمشي من طنجة عايم حيت غير 14 كلم... ضرب 7 كلم...عيا هوا يرجع
==================================هدا واحد الدري مشى عند درية أ سولها أشنو سميتك
قالت ليه fati fleur (فاطمة الزهراء)
قالت ليه أ انت
قال ليها le pere de vendredi (بوجمعة )
==================================واحد الاستاد قال لتلاميذ دياولو. غادي نوريكم 3 انواع ديال الكعيات
اتصل بواحد النمرة او جاوباتو بنت قال ليها كاين حميد، قالت ليه لا ماكاينش (كاعية)
قال ليهم هدي 1
اتصل بنفس النمرة او جاوباتو نفس بنت قال ليها كاين حميد، قالت ليه لا ماكاينش مالك صدعتينا (كاعية اكثر)
قال ليهم هدي 2
اتصل بنفس النمرة او جاوباتو نفس بنت قال ليها كاين حميد، قالت ليه لا ماكاينش الحماااااااار(كاعية بزاف)
قال ليهم هدي 3
واحد التلميذ قال للاستاذ انا غدي نوريك الكعية الرابعة
اتصل التلميذ بنفس النمرة او جاوباتو نفس بنت قال ليهاانا حميد، واش اتصل بيا شي واحد، او هي............
================================================
فار غادي .. سمع عرس... دخل ليه لقا عرس ديال المشاش... بات لعروسة شدو وقال لجوق: غنيو ليه يازربان على عمرو
================================================
واحد شرا صباط كبير عليه.. ما بغاش يلبسو حيت يحتارموا.
================================================
واحد صاط شابع عياقة. مشا يدوز امتحان فالفرنسية سولوه اش ناهو الحديد بالفرنسية قال ليهم
musculation
================================================
واحد كايقولوا ليه الحاج شلاظة .كعا من السمية.. مشا هاجر شي 30 عام باش انساو... رجع هوا يشوفوا واحد صاحبو قديييم.. قال ليه واش نتا هوا الحاج بصلة اولا مطيشة اولا خص... الحاج قال ليه تخلطها نخلط مك.
================================================
واحد سكران وفجيبو فار تاهوا سكران... جاي كيغوت فالدرب.. واحد لمرا طلات عليه قالت ليه هانعيط لمك على لحناش... الفار خرج هوا يقول لها عيطي تاعلا لمشاش
================================================
هادا واحد مراتو خارجة عليه، ديما هو كيغسل المواعن .. واحد نهار جلس يعاود لواحد صاحبه جا هو قاليه هاد المرة ملي تدخل للدار مع الدخلة غوت عليها و قول ليها واش كاين شي غدا.
مشا هو دخل للدار و غوت بالجهد :حناااااااااااااان ... و هي ترد عليه بجهد كتار : ماااااااااااااااااااااااالك؟؟؟؟
قال ليها : كاين شي مواعن نغسلهم؟؟؟
================================================
هادا واحد ساكن في الطروازيام ايطاج كاره مراتو و بغا يقتلها و حرافت ليه كيف يعمل ... واحد النهار مشا حل السرجم و عيط عليها " فاطمة جري جري... الجيران كيدابزو " و هي تجي طايرة ، كيف وصلت للسرجم و هو يدفعها الطيح... شوية و هو يسمع الدق في الباب مشا حله، لقا مراته داخلة و هي تقول ليه " اااااه على ملاغة شحال باسلة "
هههههههههههههه
================================================
اما هادا مشا تصور بين جوج حمير، وسيفط التصويرة لصحبتو ، و كتب ملاحضة في القاع : انا هو الموجود في الوسط
================================================
كاليك هدا واحد الرجل
قال لولدوا سير جيب 20 فرنك ديال الزبدة
مشا الولد عند مول الحانوت كالوا كاليك بابا عطيه 20 فرنك تاع الزبدة
مول الحانوت قال للولد : سير عيط لباباك يجي يلحس الموس
================================================
واحد الشفار دخل لواحد الدار... هي تشدو مولات الدار غلييييييظة و هي تجلس عليه و هي تعيط على ولدها: مصطفى !!!!!! عيط دابا لبوليس... و هو يقول ليه داك الشفار: سربي دغية أخاي مصطفى .
================================================
جوج حشايشية كيتكيفو قدام مرايا.. واحد قال لصاحبو شوف وحدين مقابلين معانا .. صاحبو ناض وقال ليه انا هنسولهم....قال ليه غير رجع هواحد منهم جاي
================================================
هاد واحد المرا كتشك فزوجها
واحد اليوم لقات عليه شعرة زعرة قالت ليه شكون هاد الزعرة اللي كنت معاها
واحد النهار لقات شعرة حرشة قالت ليه شكون هاد السودة اللي كنت معاها وواحد النهار ما لقات حتى شعرة قالت ليه شكون هاد القرعة اللي كنت معاها
هادو 2 دراري تعطلو على المدرسة ,و قال ليهم المعلم : علاش تعطلتو ؟
قال ليه واحد راه طاحت ليا 10 دراهم , و هو يقول ل تاني: و نتا مالك
قال ليه: راه كنت داير رجلي عليها .
=================
قال لك هدا وحد غبي قال يا رب ندير يدي في جيبي نلقى 20 درهم مني قلب جيبو لقاه متقوب و هو يرجع يقلب لتكون طاحت
=================
هدا واحد الراجل صحيييح دايما كيمشي عند البقال و كيقول له :اعطيني كوكا ولا .....؟ و البقال كيخاف منه و كيعطيهالو بلا فلوس
جا واحد النهار البقال طلع ليه الدم و قال مع راسو و الله اليوم ما نخاف منه و اللي بغا يكون يكون . ايوا جا عنده ديك الراجل و قال له عطيني كوكا ولا ...؟
جا البقال رد عليه :ولا شنو ؟؟؟؟ رد عليه الراجل و قال له: ولا فانتا .
================================================
واحد الراجل مشا عند البقال و قاله اعطيني بوطاغاز جاالبقال قاله و الخاوي ؟؟؟ رد عليه :غدي نشربها هنا.
هذا واحد مول الطاكسي مبوق مزيان غادي فالمدينة او هي تشير عليه واحد المراا هو يوقف طل عليها من الشرجم او قال ليها فين غاديا أ لالة قالت ليه السوق اَسيدي هو يقول ليها سيري أوُ متعطليش
================================================
دري بغا يمشي من طنجة عايم حيت غير 14 كلم... ضرب 7 كلم...عيا هوا يرجع
================================================
سقرام (بخيل) شرا خبرة..شفرها ليه شمكار(مشرد) تبعو... مني شاف انو مشا عليه.. قال ليه سير صدقة ورحمة الوالدين
================================================
هذا وحد الرجل بغا ينتحر أو مشى لواحد المقهى في إسبانياو كان باغي ينتحر او هادوك لي لتحت جابولولو لفلوس و قالولو متنتحرش و واحد المرة بغا يدير هكاك حتى في المغرب و قالو وحد الرجل لتحت طيح طيح نشوفوك كي غادي الدير
==================================================================================
هدا وحد السبيطار ديال الحماق ديما إاى جا الطبيب فاصباح كايلقا شي حماق فواحد البيت مضروبين كولهوم فجبها ديالهوم إلا 1 واحد المرة دارو ليهوم الكاميرا ملّي جاو الغد ليه خدمو لكاسيطا ل تسجلات لقو هاداك لي مامضروب كيرسم ليهوم 1 الخط فالأرض أو كايقول ليهوم لي داز تحت هاد الخط نعطيه 200درهم
================================================
ذهب أعرابي عند صيدلي و قال له "عندك نعناع" أجابه الصيدلي "لا"
رجع بعد ساعة فسأله عندك نعناع فقال الصيدلي "لا هذه صيدلية و لا أبيع النعناع"
رجع مرة ثالثة و رابعة و دائما يسأل عن النعناع....فذهب الصيدلي و اشتر ى نعناع من السوق و لما عاد الأعرابي يسأل عن النعناع مرة أخرى قال "هل عندك نعناع" فقال الصيدلي "نعم عندي نعناع" فأجابه الأعرابي "محال إتمشا ليك النعناع فالفرمسيان".....
****************
هذا واحد لفروج سكر تا سكر مزياااااان و هو يمشي عند السبع و عطاه تا هوا الشراب و تا السبع تبوق مزياااان و طاحو بجوج الارض ... لفروج ناض هو الاول شاف فسبع و هو يكول ... ... وااااو تنشربو و تنخسرو ... ايصحاب ليه واش سلخ السبع
مجموعة نكت بالدارجة العامية المغربية
--- قال ليك هدا واحد المعلم كيسول التلاميد كيقول ليهم باكم فاش خدام باش جيبوا ليه التدويرة وصل عند التلميد الاخيرمنو الحيط قال ليه باك فاش خدام
قال ليه كيلعب البوكس قال ليه لا اولدي معى لي وراك
----
قاليك هدا واحد لمكلخ ماعمروا مشى لشي مقهى وجلس فيها واحد النهار قال مع راسو والله حتى نمشي لهاد القهوة اللي مصدعينا بيها ونجلس فيها المهم خونا مشى وريح جالعندوا النادل قالوا شنوا حب الخاطر اسيدي قالوا بغيت قهوة مشى النادل جاب ليه كاس ديال القهوة لمكلخ هو يهبط عليه دقة وحدة(بدون نفس) وهو يقول للنادل ممممممم صافي هي هاديك غي جيب لبريق هههههههههههه
----
اصطحب أحمقان وبينما هما يمشيان في الطريق يوما قال أحدهما للآخر تعال
نتمنى . فقال الأول أتمنى ان يكون لي قطيع من الغنم عدده 1000 وقال الآخر
اتمنى أن يكون لي قطيع من الذئاب عدده 1000 ليأكل أغنامك ، فغضب الأول
وشتمه ثم تضاربا ، مر جحا وسألهما فحكيا له قصتهما وكان جحا يحمل قدرين
مملوءين بالعسل فأنزل القدرين وكبهما على الأرض وقال لهما اراق الله دمي مثل
هذا العسل إن لم تكونا أحمقين
---
هذا واحد مرتوا ولدات مع 11 د ليل فالسبيطار
الراجل مشى قتل البنت اللي عاد تزادت
جا الطبيب قاليه علاش قتلتيها
جاوبو قاليه هدي يالله تولدات جاياني مع 11 د ليل ايوا فاش تكبر معاياش بغات تجي بالسلامة
----
هدا واحد المعلم سول واحد التلميد قال ليه الى عطاك باك 20 درهم او خوك 30 درهم شحال كالتساوي قال ليه الحرب
----
قالك واحد لمرة واحد لحشايشي غادي بقرعة ديال الدوا لحمر و هي طيحلوا قال ويلي مشات شوية ضاعت شوية هو يفكر خبط راسو مع طروطوار و دهن راسوا بالدوا لحمر
----
واحد راجل راسوا كبير ديما تيقولوا واحد الدري في الحومة ناري كون كنت ملك . ديما تيقولها ليه واحد النهار هو يشدو قالوا شنوا غادي يطرا كون كنت ملك قاليه كورا الدرهم
دايرة بحال الصينية
----
واحد لمرة حكموا على واحد بالاعدام ملي جاو ينفذوه قالو ليه عندك شي وصية قاليهم لا و هوما يديروا لحبل باش يشنقوه و ملي طلقوا الحبل بدا تيتركل و هو يحيدوا لحبل قالوا ليه مالك و هو يقول يا ولاد لحرام كنتوا غادي تقتلوني
---- ----
واحد الشفاره دخل يسرق شي دار ملي لقا مالين الدرا فقراء بقاو فيه و هو يغسليهم لماعن
----
واحد الدري كسول نودوا الاستاذ و قالوا كتب الرقم11 هو يكتب 1 و حبس قالوا الاستاد مالك قالوا هنا كتبت واحد و لكن الواحد لاخر واش نكتبوا على اليمين و لا على
اليسار
----
واحد السكران بغا يقطع الكارو و هو يقول في راسوا ولا بغيت نقطعوا خاصني نجلس بوحدي فشي قهيوة و ناخد قهوة كحلة و نكمي شي كارو عاد نفكر واش نقطعوا
صور مضحكة جدا
n.jpg)
nokat dahk 2013 new
واحدا قالت لراجلها نصوب لك مصمن ولا بعرير.. قال ليها صوبي فمك هوا الاول
واحد راسو كبير ديما واحد لبرهوش كايقول ليه ناري كون كنتي ملك... ديما .. واحد نهار شدو قال ليه اش هايطرا كون كنت ملك.. قال ليه الدرهم هاتكون قد الصينية
لحناش تابعين شي حشاشين. خسرات ليهم صطافيط.. ركبو طموبيل ديال كنور.. شدوا واحد حشايشي.. بدا كايضحاااااااك.. قالو ليه مال جدك كضحك.. قال ليهم شفت كنور بالدجاج بالحوت غير عمرني ماشفتو بالحناش
جحش كبر مشا كيجري عند مو قال ليها ماما وليت حمار.. قالت ليه مالك كنتي مهندس
واحد مشا عند طبيب قال ليه فيا لحناش فكرشي... الطبيب محشش قال ليه كتب فيها الامن الوطني
واحد كايقولوا ليه الحاج شلاظة .كعا من السمية.. مشا هاجر شي 30 عام باش انساو ... رجع هوا يشوفوا واحد صاحبو قديييم.. قال ليه واش نتا هوا الحاج بصلة اولا مطيشة ... الحاج قال ليه تخلطها نخلط مك
واحد تابع واحد العروبية بغ يهدر معاها قاليها اعطيني msn ديالك
قالت ليه عندنا غير vcd
واحدة المعلمة في الروض كتقري هاد الجيل الصغير ديال هاد الوقت قالت لواحد الى قلتي ليا لحساب من واحد حتى لخمسة نعطيك بوسة كبيرة وهو يرد عليها قال ليها والى حسبت ليك حتى العشرة تمشي معايا لدار
دكتور ديال الحماق دخل عليهم لقى ثلاثة واحد طالع فوق الآخر قاليهم اشنو تتديرو ؟ قاليه الي تحت سكت سكت حنا عمارة ديال تروا زيطاج هي هي هي ..جمع يدو وعطاه بتصرفيقة يمكن هذه داخلة في شغلو..وهو لحمق الي تحت قال للفوقاني نزل أصاحبي شوف شكون الي تيدق في الباب يلاه..
هدا واحدالمعلم قال للتلاميذ ديالو كتبوا لي انشاء على مقابلة فكرة القدم واحد الكسول كتب ليه"نظرا للأمطار الغزيرة تأجلت المباراة
قال لك هذه امرأة ميريكانية..و فرنسية و مغربية..سولوهم على الحاجة اللي شرطوا على الراجل و حققها ..
- الميريكانية قالت: أنا النهار الأول قلت له ماكنعرف نطيب..التهار الثاني ماشفت والو..النهار الثالث جاب طباخة ..
- الفرنسية قالت: أنا النهار الأوول قلت له ما كنعرف نصبن..النهار الثاني ماشفت والو..النهار الثالث جاب مكينة د الصابون ..
- المغربية قالت: أنا النهار الأول قلت ما كتعرف نطيب و لا نصبن..النهار الثاني ما شفت والو..النهار الثالث..وليت كنشوف شويا بالعين اليمنية ......
جوج بنات دافعين كبير شافو حادث سيارة
وحدة كالت للثانية ho le pauvre est reste dans moi مسكين بقا في
ردت الاخرى LE PAUVRE LA BEBLIOTHEQUE SUR LUI مسكين مكتابة عليه
قال ليك هدا portable ديال (اتصالات المغرب) واقف مع portable ديال (باين )
وهوما يشوفو سيارة ديال لبوليس دايزة و portable ديال ( باين) يهرب
وقفت السيارة عند portable ديال (اتصالات) وسالوه..علاش هرب هداك
قال ليهم ...ما عندوش لاكارط
هذا محماد الشلح مول الحانوتة , لقى ولدو تيشوف في شامبوان...وهو يصلع ليه .
هدا واحد الراجل مخاصم لا يتكلم مع الزوجة ديالو. كتب ليها: غدا فيقيني مع 6 صباحا...لكن ما فاق حتى 12 ...وهو يلقاها كتبا ليه : فيق راه 6 صباحا .
قاليك هدا واحد الشفار دخل لواحد الدار... هي تشدو مولات الدار غلييييييظة و هي تجلس عليه و هي تعيط على ولدها: مصطفى !!!!!! عيط دابا لبوليس... و هو يقول ليه داك الشفار: سربي دغية أخاي مصطفى
واحد صاط شابع عياقة. مشا يدوز امتحان فالفرنسية سولوه اش ناهو الحديد بالفرنسية قال ليهم musculation
واحد حشايشي شاف باه فالزنقة.. باه جا عندو قال ليه ماك مشفتنيش.. قال ليه شفتك غير معرفت فين
جوج شلوح مسافرين فالكار.. واحد منعسش قال ليه صلحبو مالك منعستي.. قال ليه واحد سلفتو 10 دراهم مجاني نعاس... قال ليه هاد 10 دراهم باش تقدر تنعس..من بعد ساعة فيقو قال ليه ايوا رد ليا دابا 10 دراهم باش نعس تانا
استاد بغا يدير فرض لدراري على غفلة..قال ليهم عندكم غدا فرض على غفلة
ستاد ديما يسول دراري ..باش تعشيتو.. دري ديما كيجاوبو بالحريرة .. واحد نهار قال ليه الا قلتي حريرة مرا خرا نعصي ولدي... دري قالها لباه.. باه قال ليه مني يسولك رد عليه بالدجاج... الغد استاد سول الدري.. الدري قال ليه بالدجاج... سولو شحال من واحدة.. قال ليه جوج زلافات
واحد مشا عند شوافة قا ل ليها بغيت تشوفي ليا واش نقدر نعيش 40 عام.. قالت ليه واش كتكمي..قال لا..واش كتشرب... لا... واش كتبع دريات... لا... قالت وعلاش بغي تعيش 40 عام
قروي طلب من بنته تجيبله اشرطة فيديو … لما رجعت البنت ودقت الباب … سأل ابوها منو بالباب قالت انا بنتك قال شو جبتي لنا معاك .. قالت له : العار ..(قصدها فيلم العار ) قال : ادفنوها
قال ليك هدا مغربي مشا لطاليان او جالس معا واحد طاليان فالقهوة كايهدرو او هوا اقول ليه طالياني حنا معروفين هنا بالمافيا قال ليه لمغربي كيفاش قال ليه شوف او هو عيط لسرباي قال ليه جوج قهيوات لله اعفو عليك فاش مشا سرباي قال لمغربي لطالياني فيناهيا لمافيا قال ليه هاهوا لبسطام ديتو ليه او قال طالياني لمغربي نتوما باش معروفين قال ليه لمغربي حنا معروفين بالعافيا او هو اعيط لسرباي قال ليه هدا دا ليك بسطام ديالك -- تبركيك حتى لموت ---
واحد المكلخ وقفو بوليسي فالسيارة نتاعو .
- قالو…….مالك مادايرش السمطة !
- قاليه…… نسيتها فالسروال لاخر !
قالو…… ارا لوراق ديال لوطوموبيل ملي عطاهوملو قالو شتك ماكاتبانش )زعما فالصورة (
- قالو…. والو الشاف غير من الخدمة لدارومن الدار لخدمة
قالو…… واش مزوج
- قالو…… ايه مزوج بمرا
- قالو….. واش شفتي شي واحد مزوج براجل
- قالو…… ايه
- قالو….. شكون
- قالو………… ختي
واحد الدري كسول نودوا الاستاذ و قالوا كتب الرقم11 هو يكتب 1 و حبس قالوا الاستاد مالك قالوا هنا كتبت واحد و لكن الواحد لاخر واش نكتبوا على اليمين و لا على اليسار
المدرس : ماذا فعل الرومان حين عبروا البحر الابيض المتوسط؟
الطالب: جففوا ملابسهم
علاش سوس كاملين فركين..........................حيت كيهزو السلعة فالموطور
علاش الدجاجة مكاترجعش مارشاريال.............................حيت ماعندهاش لبواطا فيتاس
علاش مكنحلبوش القنية(انتى الأرنب)............................حيت مكاينش فين نحطوالسطل
علاش بيت الحمام كيشبه القسم ديال المدراسة......................حيت فيه السطولة)
واحد بركاني كان ماشي مع صاحبتو
ولكن هي شافت باباها ماجي قالت ويلي كانخاف بابا يشوفنا
رد عليها البركاني : ماتخافيش قوليلو أنا خاك
واحد لمرة حكموا على واحد بالاعدام ملي جاو ينفذوه قالو ليه عندك شي وصية قاليهم لا و هوما يديروا لحبل باش يشنقوه و ملي طلقوا الحبل بدا تيتركل و هو يحيدوا لحبل قالوا ليه مالك و هو يقول يا ولاد لحرام كنتوا غادي تقتلوني
هذا واحد لعروبي شرا موطور 103 أو شفروه ليه .مشا عاوتاني شرا 103 آخر أوشفروه ليه .. من بعد مشا ديكلارا عند البوليس أو قاليهم شفرو لي 206
هدا واحد المعلم سول واحد التلميد قال ليه الى عطاك باك 20 درهم او خوك 30 درهم شحال كالتساوي قال ليه الحرب
قاليك هاذ واحد هو أو صحبتو غادين كايتسراو فدروبا أو حشمانين . بقاو ساكتين وحد شوية قاليها قوليلي شي كلمة حلوة ..قاتليه سكارة .قاليها لا شيحاجا كتجمعنا قاتليه سطافيط
هادو جوج كلاب كايهضرو الأول قال:هو, الثاني قال : هو, فقال الأول: هوهو, فقال له الثاني: بلا ما تبدل الموضوع أصاحبي
هدا واحد خينا مربي بزاااااااف كايدق باب التلاجة قبل ما يحلها
كاليك اسيدي هذا واحد المعكاز غادي يزوجوه مباغش
كالو ليه والو وربي كريم
كاليهم واخا ولاكين بشرط
اما هو
تجيبو لمرا تكون حاملة
واحد قال لصديقتو الى كتبغيني قوليها...قالتلو..ها
كلمة شكر تكفي
فوائد الغش في الإمتحان
أولا : يعمل الغش علي تقوية روح الصداقة و التعاون بين الطلبة و دعم روابط المودة
ثانيا : يتيح حسن الجوار ثالثا : تقدم للمراقب خدمة جليلة الذي سينشغل بما تفعلة بدلا من الاكتئاب و الملل الذي قد يصيبة من جراء جلوسه بلا عمل طوال مدة الامتحان
رابعا : يتيح لك الغش اظهار روح التضحية اذ سيتمكن زملاؤك من الغش دون اي مخاطر لان المراقب سيكون مشغولا بما تفعله
خامسا : ستتمكن من التعرف على المسؤولين عن لجنة الامتحانات مثل مراقب الدور و ربما رئيس اللجنة وبذلك تصبح من الشخصيات المشهورة اللامعة
سادسا : سينتهي الامر غالبا بسحب ورقة الامتحان وبالتالي تعود الي المنزل قبل باقي زملاؤك بدلا من الجلوس في مكانك بلا اي فائدة
سابعا : اذا كنت سعيد الحظ قد تحرم من دخول باقي الامتحانات و بالتالي ستتمكن من الاستمتاع بالاجازة الصيفية مبكرا
ليست هناك تعليقات:
إرسال تعليق